موضوعنا انهارده مهم لأن في فئه كبيره جدا من الناس بتتعرض ليه. ومع وجود ظواهر زي "حرق القش" وتغيير المواسم بيصعبو اكتر فكره التعافي من المرض ده.

قبل ما نتكلم عن التهاب الجيوب الانفيه عايزيين نتعرف اكتر عن تركيبه الجيوب الانفيه عشان نعرف اصل المرض. 
كلمه جيوب بيرجع تسميتها لفكره انها عباره عن تجاويف صغيرة مليانه بالهواء جوا عظم الجمجمة (الجبهة والوجنتين)، وأكبرها اللي موجودة في الخد. 

وبتتقسم ل :
1-الجيوب الخديّة (الأكبر): وتقع في عظام الخدّين. 
2-الجيوب الجبهيّة: وتقع في الجزء الأسفل الأوسط من الجبهة. 
3-الجيوب الغرباليّة: وتقع بين العينين. 
4-الجيوب الوتديّة: وتقع في العظم خلف الأنف. 

الجيوب الانفيه بتكون مغطّاة بغشاء مخاطيّ رقيق ورديّ اللون، وفي الحالة الطبيعية بتكون فاضيه باستثناء طبقة رقيقة من المخاط. وظيفة الجيوب دي مجهولة تقريباً ولكن إحد النظريّات بتزعم أنّها بتساعد على ترطيب الهواء الّلي بيتنفّسه الإنسان، ونظرية تانيه بتقول أنّها بتعمل على تقوية صوت الإنسان.

في اكتر من نوع من التهاب الجيوب الانفيه:

1-التهاب الجيوب الأنفيّة الحاد: وده بيستمر لأقلّ من 4 أسابيع عادةً، وبتظهر أعراضه فجأةً وبتكون مُشابهةً لأعراض نزلة البرد. 
2-التهاب الجيوب الأنفيّة ما دون الحاد: وبيمتدّ من 4 أسابيع إلى 12 أسبوعاً. 
3-التهاب الجيوب الأنفيّة المُزمن: وبيمتد لأكثر من 12 أسبوعاً، واوقات ممكن يستمرّ لأشهر أو حتى لسنوات. 
4-التهاب الجيوب الأنفيّة المُتكرر: المريض بيصاب بنوبات متعدّدة من الالتهاب خلال السنة الواحدة. 

بالنسبه لأسباب المرض 
- وارد انه يكون ناجمً عن الإصابة بعدوى أو عن ناميات في الجيوب الأنفية (السلائل الأنفية) أو عن انحراف الحاجز الأنفي. 
- إمتلاء الجهاز التنفسي بالفيروسات و البكتيريا و عدم قدرة الجسم على مقاومة البكتيريا و الفيروسات الموجودة بالجو . 
- التغيير بالمواسم . 
- التعرض للمواد الكيميائية . 
- جفاف الجو وده بيؤدي ل جفاف الأنف و الجهاز التنفسي . 
- التعرض لدرجة حرارة عالية و مرتفعة طوال الوقت . 
- قلة التهوية بالمنزل لأن ده بيساعد على نمو البكتيريا و الفيروسات بالجو العام للمنزل .

بالنسبه للأعراض:
-مريض الجيوب الانفيه دايمآ بيحس بصداع المستمر .
-إحمرار بالعينين و الحكة المستمرة بالعين و الاذن و الانف . 
-الشعور بالدغدعة داخل الحلق . 
-سيلان الأنف و العين باستمرار. 
-حساسية الضوء المباشر .
- ألم حول منطقة العين و الخدين . 
-النعاس المستمر .
-إفراز مادّة كثيفة صفراء أو خضراء الّلون من الأنف أو الإحساس بها في مؤخرة الحلق. 
-انسداد الأنف أو احتقان وده ببصعب عمليه التنفس . 
-انخفاض في حاسة الشم والتذوّق. 
-ألم في الأذنين و في الفك العلوي أو في الأسنان.
-السعال واللي بيزيد عاده في الليل، وعادةً ما بيكون مصحوب بالبلغم.
-رائحة فم كريهة.

تابعو معانا فقره الفارما في الأسبوع الجاي عشان تقدرو تتعرفو اكتر عن العلاج والوقاية والحالات اللي من الواجب علينا زياره الطبيب فيها. ♥️